Nokia වෙළඳ නාමය Microsoft Mobile ලෙස වෙනස්කිරිමේ සැලැස්මක්.

               Nokia උපාංග හා ‍සේවා මිලදී ගැනීමේ Microsoft ගණුදෙනුව මේ මස අගදී සම්පූර්ණ වීමට නියමිතයි.  මේ සඳහා සූදානම් වන ලෙස දන්වා Nokia හි supplier base වෙත නිකුත් කෙරුනු ලිපියක් පසුගියදා අන්තර්ජාලයට නිකුත්වී තිබුනා. ඒ අනුව නුදුරේදීම Nokia Oyj, Microsoft Mobile Oy ලෙස නම් කෙරෙනු ඇතී.

Microsoft DirectX 12 හඳුන්වා දීමට සූදානම්

              පසුගියදා Twitter  ගිණුමක්, Microsoft ආයතනය DirectX 12  එලඹෙන GDC 2014 (Game Developers Conference) හිදී එළිදැක්වීමට නියමිත බව ප්‍රකාශ කර සිටියා. එමෙන්ම මෙය තහවුරු කිරීමට මේ Twitter ගිණුම වෙනත් අන්තර්ජාල පිටුවක්ද ඒ හා සම්බන්ධ කර තිබුනා. GDC 2014 සමුළුව මාර්තු 17 සිට 21 දක්වා San Francisco, California හිදී පැවැත්වෙනු ඇතී.

iPhone Siri ට Microsoftගෙන් අභියොගයක්; Windows Phone වෙතින් Cortana.

              තවමත් නිල වශයෙන් තහවුරු නොකල iPhone Siri සහ Android Google Now සඳහා Windows Phone 8.1 පිළිතුර,  Cortana පෞද්ගලික ඩිජිටල් සහකරු පහසුකම සම්බන්ධ පරිශීලක අතුරුමුහුනතේ(ui) ඡයාරූප කිහිපයක් අන්තර්ජාලයට නිකුත්වී තිබෙනවා. මේ පිළිබඳ පළමුවෙන්ම තොරතුරු වාර්ථා වූයේ පසුගිය සැප්තැම්බර් මාසයේ. මෙය පරිශිලක අණ අනුගමනය කළහැකි කෘතිම බුද්ධියක්.